Татарстанда «Экологик иминлек» илкүләм проектына ярдәм йөзеннән 1380 автомобиль тикшерелде
Татарстанда «Чиста һава» операциясе кысаларында автотранспортның экологик яктан чиста булуын тикшерү дәвам итә. ТР Экология министрлыгы хезмәткәрләре ТР буенча ЭЭМ Дәүләт автоиспекциясе белән берлектә республиканың 14 районында автотранспортны тикшерәләр.
Барлыгы 1380 автотранспорт чарасы тикшерелде:
1140 җиңел автомобиль
52 йөк машинасы
188 автобус
15 автотранспорт чарасында (11 җиңел, 3 автобус һәм 1 йөк автомобиле) артыклык очраклары ачыкланды, бу тикшерелгән машиналарның гомуми саныннан 1,1% тәшкил итә.
Министрлык хезмәткәрләре атмосфера һавасын саклау өлкәсендә законнарның мәҗбүри таләпләрен бозуга юл куймау турында автотранспорт чаралары хуҗалары белән аңлату эшләре алып баралар һәм административ хокук бозу турында беркетмәләр төзиләр.
Исегезгә төшерәбез, республика автомобиль юлларында тикшерүләр «Экологик иминлек» илкүләм проектына ярдәм йөзеннән 30 сентябрьгә кадәр дәвам итәчәк.