Экология министрлыгы су объектларына ирекле керүне тәэмин итү эшен дәвам итә
Экология министрлыгы белгечләре бу су объектында элек ачыкланган хокук бозулар буенча мәгълүматларны актуальләштерү өчен Казансу елгасына чыктылар. Исегезгә төшерәбез, 2022 елдан Экология министрлыгы Казансу елгасында сынау проектын гамәлгә ашырды, бу фәнни эш кысаларында елганың үзендә дә, янәшәдәге территориядә дә табигатьне саклау законнарын бозулар ачыкланды.
Тикшерү барышында гражданнарның гомуми файдаланудагы су объектларына ирекле керүләрен чикләү нокталары кабат ачыкланды, бу закон таләпләрен турыдан-туры бозу булып тора.
Россия Федерациясе Су кодексының 6 статьясы нигезендә Казансу елгасының гомуми файдаланудагы яр буе полосасының киңлеге 20 метр тәшкил итә. Исегезгә төшерәбез, һәр гражданин гомуми файдаланудагы су объектларына керү мөмкинлегенә ия булырга һәм аларны шәхси һәм көнкүреш ихтыяҗлары өчен түләүсез файдаланырга, гомуми файдаланудагы су объектларының яр буе полосаларыннан хәрәкәт итү һәм алар янында булу өчен, шул исәптән һәвәскәр балык тоту һәм йөзү чараларын причалга утырту өчен файдаланырга (механик транспорт чараларыннан файдаланмыйча) хокуклы.
Ирекле керү чикләүләре ачыкланган җир кишәрлекләренең милекчеләре ачыкланганнан соң, хокук бозучыларга хокук бозуларны бетерү турында күрсәтмәләр биреләчәк.
Исегезгә төшерәбез, гражданнарның гомуми файдаланудагы су объектына һәм аның яр буйларына ирекле керүен тәэмин итү шартларын үтәмәгән өчен 2001 елның 30 декабрендәге 195-ФЗ Административ хокук бозулар турында Россия Федерациясе кодексының 8.12.1 ст. нигезендә административ җаваплылык каралган.
БЕЛЕШМӘ: әлеге эш Россия география җәмгыятенең Татарстан бүлеге белән берлектә гамәлгә ашырыла торган Татарстан Республикасы елгаларының һәм сулыкларының экологик торышын яхшырту буенча комплекслы проект кысаларында һәм «Экологик иминлек» илкүләм проектына ярдәм йөзеннән башкарыла.