Ел башыннан татарстанлылардан килгән 2,5 меңгә якын мөрәҗәгать экологлар тарафыннан хәл ителгән
Экологлар республика иҗтимагый экологик кабул итү системасына кергән 3084 мөрәҗәгатьнең 2443ен карап хәл иттеләр.
Министрлыкның интернет-кабул итү системасы аша 1335 хәбәр килгән, 987 мөрәҗәгать «Мәктәп экопатруле» кушымтасына кабул ителгән. «Халык контроле» системасында 686 мөрәҗәгать һәм «ПОС» кире элемтә платформасында 76 мөрәҗәгать теркәлгән.
Иң популяр категория булып калдыкларны рөхсәтсез урнаштыру мәсьәләсе кала – бу 1644 хәбәр (шуларның 987се «Мәктәп экопатруле» кушымтасы аша кергән). Халык 455 тапкыр атмосфера һавасының сыйфатына, 350 тапкыр суның сыйфатына һәм 635 тапкыр башка мәсьәләләр буенча шикаять белән мөрәҗәгать иткән.
Исегезгә төшерәбез, әгәр сез табигатьне саклау өлкәсендә закон бозуларга тап булсагыз, мөрәҗәгатьләрне экологик кабул итү системасына әлеге сылтама буенча калдырырга мөмкин: https://eco.tatarstan.ru/priem.htm яки "Халык контроле" системасында: https://uslugi.tatarstan.ru/open-gov