Чаллыда 10 мең килограмм батарея җыйганнар!
Чаллыда эшкәртелгән ток чыганакларын җыю буенча республика акциясе тәмамланды. Акциядә барлыгы 52 мәгариф оешмасы һәм 73 мәктәпкәчә учреждение катнашты. Акциянең бөтен чорында рекордлы санда батарея җыелган – 10 190 килограмм!
42нче һәм 41нче мәктәпләр, 6нчы һәм 77нче гимназияләр лидер булып торалар. Мәктәпкәчә учреждениеләр арасында иң күп санда батареялар 112 нче, 47 нче, 1 нче һәм 121 нче балалар бакчаларында җыелган.
Яшь чаллылылар ел дәвамында батареялар, аккумуляторлар һәм башка көнкүреш туклану чыганакларын җыюда актив катнаштылар. Шулай итеп, балалар педагоглар, тәрбиячеләр, ата-аналар белән бергә «Экологик иминлек» илкүләм проектының максатларын хуплап, әйләнә-тирә мохитне саклауга үз өлешләрен керттеләр. Хәзер кулланылган батареялар «Гринта» ҖЧҖ – калдыклар белән эш итү буенча төбәк операторы ярдәмендә барлык кагыйдәләр буенча чыгарылачак һәм утильләштереләчәк.