Без сезнең исемнәрегезне хәтерлибез...

2025 елның 16 мае, җомга

Бөек Җиңүнең 80 еллыгы елында геройларның исемнәрен искә алуны дәвам итәбез. Үзенең бабасы турында бүген ТР Экология министрлыгының Кама аръягы идарәсе юрисконсультының улы Данияр Мостафин сөйли.

Малайның бабасының атасы Барый Вәли улы Вәлиев 1924 елда ТАССРның Лениногорск районы Мөкмин-Каратай авылында туа. 1941 елда, аңа 17 яшь булганда, фронтка китә.  

1945 елда Берлинга барып җитә һәм анда күптән көтелгән Җиңүне каршы ала!

Солдат Лениногорскига 1950 елда гына кайта. Сугыштан соң бөтен гомерен нефть тармагында эшләүгә багышлый. Татарстанда нефть чыгаруны үстерү башында тора. Бүген аның оныгының улы Данияр бабасы кебек солдатлар истәлегенә шигырь укый!