Халык мөрәҗәгате нәтиҗәләре буенча Министрлык инспекторлары Казанда санкцияләнмәгән чүплекләрне таптылар

2025 елның 14 мае, чәршәмбе

ТР Экология министрлыгына Казанның Яңа Савин районында калдыкларны законсыз җыюның берничә урыны турында мәгълүмат килде. Үзәк идарә инспекторлары «Савиново» торак массивы территорияләрен һәм Фатыйх Әмирхан урамын тикшерергә чыктылар.

Беренче мөрәҗәгать буенча торак массивы территориясендә гомуми 1080 кв.м. мәйданда автомобиль шиннарыннан һәм көнкүреш чүплегеннән рөхсәтсез чүплек табылды, калдыклар күләме 235 куб.м тәшкил итә.

Икенче мөрәҗәгать буенча төзелеш чүп-чары, грунт, биналарны сүтүдән калган калдыклардан чүплек табылды. Гомуми мәйданы – 1110 кв.м, күләме – 1 443 куб.м.

Казан башкарма комитетының Авиатөзелеш һәм Яңа Савин районнары администрациясенә хокук бозуларны булдырмау һәм чүплекләрне бетерү кирәклеге турында кисәтү җибәрелде.