Татарстан Республикасы Мамадыш районында калдыкларны законсыз урнаштыруга чик куелды
Татарстан Экология һәм табигать ресурслары министрлыгының Кама буе территориаль идарәсе хезмәткәрләре Мамадыш муниципаль районының Тауиле авыл җирлегенең Тауиле авылындагы җир кишәрлегендә рөхсәтсез калдыклар ташлау фактын ачыкладылар. Пычрану мәйданы – 31,7 кв.м, калдыклар күләме – 41,21 куб.м. Моннан тыш, 66,45 кв. м мәйданда туфракның уңдырышлы катламын алу һәм күчерү билгеләнде, бу шулай ук табигатьне саклау законнарын бозу булып тора.
Хокук бозулар ачыклану сәбәпле, ТР Экология министрлыгының Кама буе территориаль идарәсе Мамадыш муниципаль районы башкарма комитетына аларны бетерү кирәклеге турында кисәтү юллады. Кисәтүне игътибарсыз калдыру сәбәпле, Министрлык ТР Мамадыш район судына мөрәҗәгать итте. Суд җавап бирүчене санкцияләнмәгән чүплекне бетерергә мәҗбүр итеп, Экология министрлыгы дәгъвасын канәгатьләндерде.
Татарстан Экология һәм табигать ресурслары министрлыгы калдыкларны законсыз урнаштыруга каршы көрәш һәм гаеплеләрне җаваплылыкка тарту буенча актив эшен дәвам итә. Без гражданнарны мондый фактлар турында безнең кайнар линиягә хәбәр итәргә чакырабыз. Әйләнә-тирә мохитне саклау – уртак тырышлык таләп итә торган бурыч.