Географик атамаларның дәүләт каталогы Татарстан Республикасының яңа су объектлары белән тулыландырылды
Татарстан Экология һәм табигать ресурслары министрлыгы республика территориясендә урнашкан су объектларының кайбер исемнәрен Географик атамаларның дәүләт каталогына кертте. Хәзер объектлар исемлегендә Касыйм, Добромышка, Ржавец, Крутайка, Саинка, Шарманка елгалары һәм Карасиное күле турында мәгълүматлар бар.
Каталогта теркәлү номеры, объект тибы, географик координаталары, башка географик объектларга алфавит эзлеклелегендә бәйләнешләре күрсәтелгән 848 су объекты турында мәгълүматлар бар.
Географик атамаларның дәүләт каталогы – Россия территориясендәге географик объектларның атамаларын үз эченә алган Росреестрның федераль мәгълүмат системасы. Төзүнең максаты – хакимият органнары, физик һәм юридик затлар тарафыннан географик объектларның исемнәрен бертөрле куллануны тәэмин итү, Россия халыкларының тарихи һәм мәдәни мирасының состав өлеше буларак исемнәрне саклап калу.