Экологик кабул итү бүлмәсенә татарстанлылардан ике меңгә якын мөрәҗәгать килгән
Ел башыннан республика иҗтимагый экологик кабул итү бүлмәсенә 1902 мөрәҗәгать килгән, шуларның 1130ы инде хәл ителгән.
Министрлыкның интернет-кабул итү бүлмәсе аша 783 хәбәр килгән, 671 мөрәҗәгать «Мәктәп экопатруле» кушымтасына кабул ителгән. «Халык контроле» системасында 411 мөрәҗәгать теркәлгән һәм 37 – «ПОС» кире элемтә платформасында.
Иң популяр категория булып калдыкларны рөхсәтсез урнаштыру мәсьәләсе кала – бу 1049 хәбәр (шуларның 671 «Мәктәп экопатруле» кушымтасы аша кергән). Халык атмосфера һавасының сыйфатына карата – 271, суның сыйфатына карата – 208 һәм башка мәсьәләләр буенча 374 тапкыр шикаять белән мөрәҗәгать иткән.
Исегезгә төшерәбез, санитар-экологик икеайлык чорында табигатьне саклау кагыйдәләрен бозуларны ачыклауда халык үзе ярдәм итә. Мөрәҗәгатьләрне Татарстан Экология министрлыгының интернет-кабул итү бүлмәсендә : https://eco.tatarstan.ru/priem.htm яки «Халык контроле» системасында: https://uslugi.tatarstan.ru/open-gov калдырырга мөмкин