«Без сезнең исемнәрегезне хәтерлибез...»
Киләсе атнада бөтен ил иң мөһим бәйрәмнәрнең берсен - Җиңү көнен билгеләп үтәчәк.
ТР Экология һәм табигать ресурслары министрлыгында Җиңүнең 80 еллыгына багышланган «Без сезнең исемнәрегезне хәтерлибез...» рубрикасы дәвам итә. Геройларның буыннары Бөек Ватан сугышында тыныч күк йөзе өчен көрәшкән бабалары истәлегенә шигырьләр сөйлиләр.
Бүген Камилла Гыймаева үзенең гаилә тарихы турында сөйли. Аның бабасы Сәхап Мингалиев 1915 елда ТАССРның Әлки районы Иске Чаллы авылында туа. 1941 елда 26 яшьлек егет булып фронтка китә. Соңрак ул, хатыны һәм ике кызын калдырып, хәбәрсез югала. Бу вакыйгада иң фаҗигалесе – сөйгәннәрен соңгы юлга озаткан хатын-кызлар язмышы... Гаилә истәлегенә фронттан алынган фотосурәт кенә калган.
«Баш очымда тыныч күк һәм якты кояш – болар барысы да сугыштан кайтмаган бабам аркасында», - дип сөйли Камилла.
Бүгенге бәхетебез өчен гомерләрен биргән сугышчылар турында хәтер мәңге яшәсен!