Татарстанда Экология турында кайгырту дәрәҗәсе арта: «Татар-информ»да узган матбугат конференциясе нәтиҗәләре
«Татар-информ» мәгълүмат агентлыгында Татарстан Экология министрлыгы конкурсларына һәм проектларына багышланган матбугат конференциясе узды. Министр урынбасары Егор Тарнавский республика халкының әйләнә-тирә мохитне саклау мәсьәләләре белән кызыксынуы һәм «Экояз» республика конкурсының уңышлары турында сөйләде.
Социологик сораштыру мәгълүматларына караганда, Татарстанда яшәүчеләрнең экологик проблемалар белән кызыксыну дәрәҗәсе 2022 елда 81,1% алып агымдагы елда 84,6% кадәр арткан. Бу халыкның экологик культурасы артуын һәм үткәрелә торган табигатьне саклау чараларының нәтиҗәлелеген күрсәтә.
1 апрельдә старт алган «Экояз» республика конкурсының барышы турында хисап матбугат конференциясенең төп вакыйгасы булды. Беренче 15 көндә инде 850 гариза кергән, бу узган елның шул ук чоры белән чагыштырганда 21 гаризага күбрәк. Мәгариф учреждениеләре актив катнаша:
«Экокоманда» (мәктәпләр): 309 гариза (17 720 катнашучы)
«Экокоманда» (балалар бакчалары): 308 гариза (14 540 катнашучы)
«Экогаилә»: 93 заявка (341 катнашучы)
«Экоярдәмче» (18 яшькә кадәр): 44 гариза (44 катнашучы)
«Экоярдәмче» (18+): 9 гариза (9 катнашучы)
«Экоберләшмә»: 87 гариза (6 290 катнашучы)
Ватанны саклаучылар елына һәм Бөек Ватан сугышында Җиңүнең 80 еллыгына багышланган «ЭкоЯз» конкурсы экологик марафон форматында уза, аның һәр атнасы билгеле бер тематикага багышлана:
1 атнасы: «Канатлыларга ярдәм ит» (җимлекләр һәм сыерчык оялары ясау һәм элеп кую)
2 атнасы: «Без аерым җыю яклы» (макулатура җыю, калдыкларны эшкәртү буенча мастер-класслар)
3 атнасы: «Җиргә бакча бүләк ит»(агач утырту)
4 атнасы: «Синең гамәлләрең» (территорияләрне җыештыру)
5 атнасы: «Тынычлык, хезмәт, май» (йортлар тирәсендәге территорияләрне төзекләндерү)
6 атнасы: «Үзгәреш» (чишмәләрне төзекләндерү)
7 атнасы: «Хайваннарны кайгырту» (приютлардагы хайваннарга ярдәм итү)
8 атнасы: «Чиста су» (сулыкларны чистарту)
Конкурста теләгән һәркем катнаша ала. Номинацияләр һәм катнашу шартлары турында тулырак мәгълүматны Татарстан Республикасы Экология һәм табигать ресурслары министрлыгы сайтында карап була: https://eco.tatarstan.ru/2025-8229149.htm
«Экояз» республика конкурсы 2016 елдан башлап ел саен «Экологик иминлек» илкүләм проектына ярдәм йөзеннән санитар-экологик икеайлык (1 апрель – 31 май) кысаларында үткәрелә.