«Татарстанның чиста урманнары» масштаблы акциясе башланды

2025 елның 14 апреле, дүшәмбе

Республикада «Экологик иминлек» илкүләм проектына ярдәм йөзеннән «Татарстанның чиста урманнары» масштаблы табигатьне саклау акциясе старт алды.

Быел акция 2 этапта узачак: 14 апрельдән 14 июньгә кадәр һәм 8 сентябрьдән 8 ноябрьгә кадәр. Яз көне урман чүп-чардан, коры-сарыдан һәм ауган агачлардан чистартылачак. Шулай ук мәгълүмат щитларын һәм ял итү урыннарын ремонтлау һәм төзекләндерү планлаштырыла.

2024 елда «Татарстанның чиста урманнары» акциясендә 30 мең кеше катнашкан. Акция йомгаклары буенча урман фондыннан 0,9 мең кубометр каты көнкүреш калдыклары җыеп чыгарылган.

Исегезгә төшерәбез, акцияне Татарстан Урман хуҗалыгы министрлыгы оештыра: https://minleshoz.tatarstan.ru/