Су саклау зоналары һәм яр буе полосалары билгеләрен урнаштыруга үзгәрешләр кертелде

2025 елның 11 апреле, җомга

РФ Хөкүмәтенең 2025 елның 1 мартыннан №1459 карары нигезендә су саклау зоналарының һәм яр буе саклау полосаларының махсус мәгълүмат билгеләрен урнаштыру өлешендә үзгәрешләр кертелде. 1 марттан алар рекреацион максатларда (туризм, физик культура һәм спорт, гражданнарның ялын оештыру һәм сәламәтлеген ныгыту, шул исәптән балалар ялын һәм аларны савыктыруны оештыру) файдаланыла торган территорияләрдә генә урнаштырылырга тиеш.

Татарстан Республикасы территориясендә 2013 елдан су саклау зоналары һәм яр буе саклау полосалары чикләрен билгеләү өчен 1952 махсус мәгълүмат билгесе куелган.