Татарстанда «Утильләштерү мәктәбе: электроника» проектын гамәлгә ашыру кысаларында март аенда 15,5 тонна элект ватыгы җыелды
2025 елда төбәктә «Экологик иминлек» илкүләм проектына ярдәм йөзеннән «Утильләштерү мәктәбе: электроника» программасын гамәлгә ашыру дәвам итә. Март аенда программа кысаларында республиканың 8 районы: Алексеевск, Апас, Буа, Чүпрәле, Алабуга, Кайбыч, Түбән Кама һәм Чистай районнарыннан 37 бюджет оешмасыннан 15,5 тонна электрон һәм электр җиһазлары калдыклары җыеп, утильләштерү өчен чыгарылган. Мартта программага тагын 20 бюджет оешмасы кушылды.
Ел башыннан программа кысаларында республиканың 18 муниципаль берәмлегеннән 40 тоннадан артык авырлыктагы электрон һәм электр җайланмалары калдыклары чыгарылды.
Федераль программа халыкка экологияле һәм уңайлы рәвештә үз срогын үтәгән техниканы эшкәртүгә тапшырырга мөмкинлек бирә. «Утильләштерү мәктәбе: электроника» проектында катнашу өчен Фонд сайтында теркәлергә кирәк: www.eko-fond.ru . Утильләштерүгә түбәндәгеләрне тапшырырга ярый:
• компьютер һәм офис техникасы
• көнкүреш техникасы
• электр инструменты
• станоклар
• фәнни һәм медицина техникасы
• телефоннар һәм шәхси гаджетлар
• запас өлешләр һәм аксессуарлар.
Батареяларны, радиация билгесе белән тамгаланган җиһазларны, лампаларны кабул итеп булмый. Программа кысаларында Фонд, техниканы исәптән чыгару өчен актлар биреп, җиһазларның техник торышына (шул исәптән медицина торышына) түләүсез экспертиза үткәрә.
2025 елда Татарстан Республикасында «Утильләштерү мәктәбе: электроника» программасын үткәрү графигын сез безнең сайтта «Файдалы мәгълүмат» кушымтасында күрә аласыз: https://eco.tatarstan.ru/egkoloicheskaya-programma-shkola-utilizatsii.htm, шулай ук Фонд сайтында: https://eko-fond.ru/electronics/schedule/#city-12
Сораулар туган очракта, программа координаторы белән +7 (965) 176 32 19 телефоны яки эл. почта буенча элемтәгә керергә кирәк: tatarstan@eko-fond.ru.
«Утильләштерү мәктәбе: электроника» федераль экологик хәйрия программасын гамәлгә ашыру йомгаклары буенча 2024 елда Татарстан Республикасы «Регион-лидерлар» номинациясендә, Мәскәү өлкәсеннән генә калышып, икенче урынны алды.