«Экояз»га креатив рәвештә. Нәфис Косметикс һәркемгә үз җимлекләрен ясарга тәкъдим итә
Нәфис Косметикс язгы экоакцияне башлап җибәрде, кер юу өчен үзенең биотаркала торган капсула төргәген куллануның яңа вариантын тәкъдим итте. Хәзер продукциягә өстәп, сатып алучылар кошларга асылмалы җимлек ясау өчен кирәкле бөтен нәрсәне бүләккә алалар. «Үзең эшлә һәм ашат» акциясе, шул исәптән, республика «Экоязына» һәм «Экологик иминлек» илкүләм проектына ярдәм йөзеннән бара. Кер юу өчен капсулалар пульперкартонга эшкәртелгән кәгазь калдыкларыннан ясалган, тулысынча куркынычсыз һәм табигатьтә таркала.
«Без төрле экологик проектларны гамәлгә ашыруны дәвам итәбез, шул исәптән төргәкләрне икенчел файдалану буенча да. «Үзең эшлә һәм ашат» акциясе – балалар белән вакыт уздыру, иҗат белән шөгыльләнү һәм бер үк вакытта кошлар һәм әйләнә-тирә мохит турында кайгырту өчен менә дигән ысул, – ди Нәфис Косметиксның маркетинг буенча директоры Валентина Симонова. – Шул ук вакытта без полигоннарга чыгарыла торган чүп-чар күләмен киметергә ярдәм итәбез, һәм бу, һичшиксез, сатып алучылар белән безнең табигый ресурсларны саклауга уртак адымыбыз булачак».
Акциядә катнашучы һәр контейнерга компания кошлар өчен махсус азык салган. Аның составына кызыл һәм сары тары, көнбагыш, җитен орлыклары, вакланган җир чикләвеге һәм солы керә. Барлык орлыклар да ГОСТка туры килә, азык составы Россия кошларны саклау берлеге тарафыннан хупланган.
Кер юу капсулалары герметик поливинил пленка эчендә урнашкан, шуңа күрә аларның эчлеге төргәк өслеге белән катышмый.
Кошлар өчен җимлекләр ясау бик гади – кер юу өчен капсула тартмасына җентекле инструкция салынган. Моны хәтта бала да булдыра ала, әмма компания җимлекләрне олылар күзәтүе астында ясарга киңәш итә.