«ЭНЕРГОПРОМ» форумында газ-мотор ягулыгында эшләүче транспортның экологик ягы турында фикер алыштылар
«Казан Экспо» күргәзмә үзәгендә «ЭНЕРГОПРОМ» Татарстан энергетика форумы кысаларында «Газ-мотор ягулыгындагы транспорт: чакырулар, проблемалар, чишелешләр» дигән түгәрәк өстәл узды.
Газ-мотор ягулыгында транспорт чараларын куллануның экологик нәтиҗәсе турында экология министры урынбасары Ольга Манидичева сөйләде. Ул билгеләп үткәнчә, газ-мотор ягулыгын үстерү республиканың углерод нейтральлеге программасының иң мөһим юнәлешләреннән берсе булып тора.
2015 елдан Татарстанда автотранспорт ташландыклары 69% тан артыкка кимегән. Бу күп кенә халыкның экологик транспортны сайлавы белән бәйле. Соңгы 10 елда газ-мотор ягулыгында теркәлгән автотранспорт чаралары саны 7,7 тапкырга арткан.
Республикада автомобиль паркы әкренләп яңартыла, физик һәм әхлакый яктан искергән автомашиналар эксплуатациядән чыга, шулай ук экологик характеристикалары яхшыртылган мотор ягулыгы җитештерү һәм сату дәрәҗәсе арта, бу исә атмосфера һавасына тискәре йогынтыны киметергә ярдәм итә.