Экология министрлыгы Тукай районында су объектына керү мөмкинлеген торгызуны таләп итте
Татарстан Экология һәм табигать ресурслары министрлыгының Кама буе идарәсе Тукай районын мониторинглау барышында табигатьне саклау буенча гамәлдәге законнарны бозуны ачыклады.
Князево авыл җирлегендә халыкның гомуми файдаланудагы су объектына ирекле керүен тәэмин итү һәм аның 20 метрлы яр буе полосасын хәрәкәт итү өчен саклап калу шартлары үтәлми. Җир кишәрлеге милекчесе су киселгәнче металл койма урнаштырган, шуның белән яр полосасына керү мөмкинлеген чикләгән.
Кама буе идарәсе инспекторлары юридик зат адресына кисәтү юлладылар. Бирелгән кисәтү нигезендә күрсәтелгән территориядә кабат күчмә тикшерү үткәрелде. Тикшерү барышында Экология министрлыгы хезмәткәрләренең таләпләре игътибарга алынмавы ачыкланды, шуңа бәйле рәвештә Министрлык Татарстан Республикасы Тукай район судына дәгъва гаризасы белән мөрәҗәгать итте. Суд экологларның таләпләрен хуплады һәм аларны үтәргә мәҗбүр итте.