I-IV класслы хәвефлелектәге калдыклар белән эш итү эшчәнлеге өлкәсендә лицензияләүне раслау өчен 3 кенә көн
Федераль дәүләт экология контроле кысаларында лицензия контролен гамәлгә ашыру туктатылды, шул ук вакытта лицензиатның лицензия таләпләренә туры килүен раслау процедурасы кертелде.
2024 елның 1 сентябреннән I-IV класслы хәвефлелектәге калдыкларны җыю, ташу, эшкәртү, утильләштерү, зарарсызландыру, урнаштыру эшчәнлеген лицензияләү турындагы нигезләмәгә үзгәрешләр үз көченә керде (I-IV класслы хәвефлелектәге калдыкларны эшкәртү, утильләштерү, зарарсызландыру, урнаштыру урыныннан җыю очракларыннан тыш). Нигезләмә Россия Федерациясе Хөкүмәтенең 26.12.2020 ел, №2290 карары белән расланган, ул лицензиатның лицензия таләпләренә туры килүен аерым бер ешлыкта раслауны үткәрү тәртибен билгели.
1 марттан 3 мартка кадәр Дәүләт һәм муниципаль хезмәтләрнең (функцияләрнең) бердәм порталында Росприроднадзорның территориаль органнарына тиешле гаризалар бирү мөмкинлеге ачылачак. 170-ФЗ нигезендә процедурага 01.09.2024 елга кадәр лицензия алган лицензиатлар эләгә, әгәр түбәндәгеләрдән соң 3 ел узса:
- лицензия бирелгән көннән соң;
- соңгы планлы контроль (күзәтчелек) чарасын (лицензия контроле) уздыру датасыннан соң.
Лицензиат документларны лицензияләүче органга күрсәтелгән даталарда тапшырмаган очракта, лицензияләүче орган карары белән лицензиянең гамәлдә булуы өч айдан биш айга кадәр туктатыла. Лицензиянең гамәлдә булуын туктатып тору турындагы белешмәләр законнарда билгеләнгән тәртиптә лицензияләр реестрына кертелә.