Тәртип бозучы әйләнә-тирә мохиткә китерелгән зыян өчен миллион ярым сумнан артык түләячәк
ТР Арбитраж суды экологларның таләпләрен хуплады һәм «Займилк» җаваплылыгы чикләнгән җәмгыятен Зәй җирлеге рельефына агып төшүче суларны агызган өчен 1 миллион 630 мең сум түләргә мәҗбүр итте.
Исегезгә төшерәбез, 2023 елның җәендә Кама аръягы идарәсе инспекторлары табигатьне саклау законнарын бозуны ачыклаганнар иде. Зәйнең Толстой урамында 362 кв.м мәйданда агып төшүче сулар табылды. Экологлар туфрактан пробалар алдылар. Тикшеренүләр нәтиҗәләре буенча аммоний ионы, азот һәм сульфат ионы буенча рөхсәт ителә торган иң чик концентрацияләрнең артуы ачыкланды.
Инспекторлар туфракка китерелгән зыян күләмен исәпләделәр. Ул 1 миллион 630 мең сум тәшкил иткән.
Экологлар ТР Артитраж судына дәгъва гаризасы белән мөрәҗәгать иттеләр. Суд Министрлык позициясен хуплады һәм хокук бозучыны зыянны капларга мәҗбүр итте.