Татарстан волонтерлары Анапа пляжыннан кайтты
Татарстан Республикасының «Чиста булачак» яшьләр экология хәрәкәте активистлары Анападан кайттылар, анда «Экосистема» Бөтенроссия экология иҗтимагый хәрәкәте делегациясе составында атна дәвамында нефть түгү нәтиҗәләрен бетерүдә катнаштылар.
Татарстан командасы составына КНИТУ, Россия гадел хөкем университеты, Аграр университет һәм Чаллы педагогика университеты студентлары һәм волонтерлары керде.
Активистлар Бугазская косада хезмәт куйдылар. Алар көн саен иртәнге 9 дан кичке 16 га кадәр бераз тәнәфесләр белән эшләделәр. Төп бурыч яр буе территорияләрен җыештыру һәм ком иләү иде.
«Гадәттән тыш хәлне бетерү – гади волонтерлык түгел, бу өмә оештыру гына түгел. Бу бик дус командада эшләүнең файдалы тәҗрибәсе булды. Мондый зур һәм мөһим эштә катнашуыма, ил һәм кешеләр өчен файда китерүемә шатмын. Әлбәттә, алда әле зур эш фронты. Әмма киләчәктә мондый хәлләр кабатланмас дип өметләнәм», - дип уртаклаштылар «Чиста булачак» экологик иҗтимагый оешмасы волонтеры Александр Пайгачкин.