Экологлар Чаллыда законсыз карьер ачыкладылар

2025 елның 5 феврале, чәршәмбе

Чаллы мониторингы барышында Экология министрлыгының Кама буе идарәсе инспекторлары шәһәрнең сәнәгать зонасында санкцияләнмәгән карьер таптылар. Территорияне тикшергәндә балчык чыгарылмаган, техника булмаган, ләкин тау битләрендә яңа башкарылган эш эзләре күренә.

Рөхсәтсез котлованның тирәнлеге – 13 м, законсыз эшкәртү мәйданы – 6048 кв.м, күләме – 50080 куб.м.

Җир асты байлыкларыннан файдалану хокукына лицензияләр, шулай ук әлеге территориядә эш башлану турында Министрлыкта хәбәрләр теркәлмәгән.

Инспекторлар тарафыннан законсыз файдалану нәтиҗәсендә җир асты байлыкларына китерелгән зыян 20 миллион сум күләмендә исәпләнде. Эш буенча барлык материаллар Россия Эчке эшләр министрлыгының Чаллы шәһәре буенча идарәсенә җибәрелде.