Бүген Казанда Борис Германович Петров белән хушлаштылар
Экология министры, Ростехнадзорның Идел буе идарәсенең элеккеге җитәкчесе белән хушлашу тантанасы Г.Кариев исемендәге театрда узды. Борис Германович белән хушлашырга туганнары, дуслары, хезмәттәшләре һәм якын кешеләре килде.
Экология министры Александр Шадриков Татарстан Республикасы Хөкүмәте исеменнән туганнарының һәм якыннарының кайгысын уртаклашты:
«Бүген без күренекле шәхес – Борис Германовичны озатабыз. Ул чын-чынлап реформатор, новатор иде, һәрвакыт үзенең тәҗрибәсе һәм профессиональлеге белән хезмәттәшләре һәм хезмәткәрләре белән уртаклашырга әзер торды. Борис Германович бүген Экология министрлыгында гына түгел, нефть-газ-химия тармагында, сәнәгатьтә дә хезмәт итүче профессиональ кадрлар командасын булдырды. Һәрвакыт үз һөнәренә, үз эшенә тугры булган Бори Борис Германович 4 ел безнең Экология министрлыгын җитәкләде. Аның белән эшләгән ветераннарыбыз һәм хезмәткәрләребез күңеле һәм йөрәге белән ачык булган кешене җылылык белән генә искә алалар... Мәңгелек хәтер».
Исегезгә төшерәбез, Борис Германович Петров 27 гыйнварда 68 яшендә вафат булды. Ул Арча зиратына җирләнде.