Ел башыннан бирле Экология министрлыгы халыкның 9 меңнән артык мөрәҗәгатен карады һәм хәл итте
Ел башыннан республика иҗтимагый экологик кабул итү бүлмәсенә 9632 мөрәҗәгать килгән, аларның 94%ы хәл ителгән.
«Мәктәп экопатруле» мобиль кушымтасында 4562 мөрәҗәгать кабул ителгән. Министрлыкның интернет-кабул итү бүлмәсе аша 3527 мөрәҗәгать килгән. 1358 сорау «Халык контроле» системасында һәм 185 сорау «ПОС» кире элемтә платформасында теркәлгән.
Халыктан сорауларның күбесе санкцияләнмәгән чүплекләргә кагыла. Бу сорауга 6235 мөрәҗәгать туры килә (шуларның 4562се «Мәктәп экопатруле» кушымтасында кабул ителгән). Шулай ук атмосфера һавасының сыйфаты буенча – 1313, су буенча – 984, башка мәсьәләләр буенча 1100 хәбәр килгән.
Бүгенгә 9032 мөрәҗәгать экологлар тарафыннан каралган һәм хәл ителгән инде.
Тәртип бозулар турында актив хәбәр иткән һәм әйләнә-тирә мохитне яхшыртырга ярдәм иткән һәркемгә рәхмәт. Сезнең битараф булмавыгыз – республикабызның табигатен һәм иминлеген саклау буенча уңышлы эш нигезе!