Татарстан экомәгърифәтчеләре тәҗрибәсе – Иң яхшы Россия һәм халыкара практикалар җыентыгында!
13 октябрьдән Пермьдә Тыюлык утраулары дусларының IX Халыкара слеты уза. Бу масштаблы вакыйга, аңа табигатькә ярдәм итү идеясе белән 300 гә якын кеше кушылган. Тагын 2000 катнашучы, шул исәптән чит илдән, чараны онлайн-форматта күзәтәләр.
Слет кысаларында педагогик һәм бизнес-конференцияләр, шулай ук бергәлекләр һәм махсус сакланучы табигать территорияләре экспертлары белән пленар сессияләр оештырылды. «Тыюлык территорияләрендә экологик агарту буенча иң яхшы практикалар» түгәрәк өстәлендә беренче тапкыр Иң яхшы Россия һәм халыкара практикалар җыентыгы тәкъдим ителде.
Түгәрәк өстәлдә Татарстан Республикасыннан Идел-Кама дәүләт табигый биосфера тыюлыгының экологик агарту белгече Рената Хәкетдинова катнашты. Ул тәкъдим иткән Тыюлык утраулары дусларының төрле клубларын булдыру һәм үстерү практикасы иң яхшыларның берсе дип танылды һәм җыентыкка керде. Ул шулай ук Россиядә беренче мәктәпкәчә белем бирү педагоглары клубының казанышлары турында сөйләде һәм Казан (Идел буе) федераль университетының Социаль-фәлсәфи фәннәр һәм массакүләм коммуникацияләр институты социаль комитеты белән хезмәттәшлек нәтиҗәләре белән уртаклашты.
Безнең спикерның чыгышын трансляция сылтамасы буенча карарга мөмкин https://vk.com/video-38323874_456239574 (55 минуттан башлана).
Материалны эшләп бетерүгә карап, җыентыкның онлайн-версиясе «Заповедники» экология үзәге сайтында «Заповедная библиотека» бүлегендә бастырылачак. https://www.wildnet.ru/zapoved-library/.