Экология министрлыгы Киндер поселогында чүплекне бетермәү факты буенча судка дәгъва әзерли

2024 елның 25 сентябре, чәршәмбе

Бүген безгә ТЯГ журналистлары Киндер поселогындагы вәзгыятьне шәрехләүләрен сорап мөрәҗәгать иттеләр. Биредә 2 нче Югары тыкрыкта санкцияләнмәгән чүплек барлыкка килгән.

Совет районы администрациясе адресына мәҗбүри таләпләрне бозуны булдырмау турында кисәтү җибәрелгән иде. Хәзерге вакытта кисәтү таләбе үтәлмәгән.

Министрлыкның дәүләт инспекторлары, туфракка китерелгән зыянны исәпләү өчен, калдыкларны рөхсәтсез җыю мәйданын һәм күләмен үлчәү өчен, кабат күчмә тикшерү үткәрделәр.

Совет районы администрациясенә карата судка бирү өчен дәгъва әзерләнә.