Чынлыкта ак барслар ничек яши – беренче халыкара кинопроекттан белербез
Ак «Ирбис» барсын өйрәнү һәм саклау үзәге халыкара фильм төшерүгә кереште. Монголиядә һәм Һиндстанда видеога төшерүләр узды инде.
Төбәкара ассоциация директоры Дарья Петрова хәбәр иткәнчә, яңа тасма «Алтай таулары хуҗасы» дигән беренче документаль фильм-тикшеренүнең дәвамы булачак. Әгәр беренче фильм «Сайлюгемский» милли паркы территориясендә төшерелгән булса, икенчесе кыргый мәче яшәгән барлык тыюлык территорияләрен үз эченә алачак.
«Алтай таулары хуҗасы» премьерасы узган елның октябрендә булды. Аны төшерүгә иҗатчыларга өч ел киткән. Видеопроект Россиянең кыргый табигатендә ак барсның тормышы шулай җентекләп төшерелгән беренче фильм булды. Ул Казанда да күрсәтелде. Моннан тыш, Казан Кремлендә «Ирбис.Кошка-невидимка» дигән символик исемле ак барска багышланган интерактив күргәзмә дә тәкъдим ителде.
Яңа фильм яшь барс – Турал (тәрҗемә иткәндә «үлемсез» дигәнне аңлата) турында сөйләнгән беренче кинолентаның дәвамы булачак. Сайлюгем милли паркы хезмәткәрләре аны кышкы азыксызлык вакытында исән калган бердәнбер бала булганнан соң шулай атаганнар.
Барысына да гашыйк булган төп геройның язмышын тиздән яңа кино тарихыннан беләчәкбез.