Кыр экологиясе. Табигатьтә узган экодәрес кысаларында Буа мәктәпкәчә яшьтәге балалары 4 капчык чүп җыйдылар
Татарстан Республикасы Экология министрлыгының Идел аръягы территориаль идарәсе белгечләре Буа шәһәренең «Светофорик» балалар бакчасында тәрбияләнүчеләр өчен саф һавада экология дәресен үткәрделәр. Табигатьтә үз-үзеңне тоту кагыйдәләрен беркеттеләр, шулай ук «Россия суы» Бөтенроссия акциясенең тулы канлы катнашучылары булдылар.
Мәктәпкәчә яшьтәге балаларны һәм аларның ата-аналарын, педагогларны һәм экологларны Олы Фролово авылындагы плотинаның яр буе полосасына җыйдылар. Балалар белән ял итү зоналарында чүплекләр ясамау турында гади киңәшләр белән уртаклаштылар.
«Гамәли дәресләр балаларга әйләнә-тирә мохит турында өстәмә белем алырга ярдәм итә. Бүген алар тере табигатькә ярдәм итү мөмкинлекләрен табарга гына түгел, ә аларны гамәлдә дә тормышка ашырырга өйрәнделәр», – дип билгеләп үтә эколог-белгечләр.
Балалар зур экологик юл үтеп, 2 км чамасы араны үттеләр һәм 4 капчык чүп-чар җыйдылар.