«Биосфера» лагерь-мәктәбендә экосмена дәвам итә
Казан, Чаллы, Түбән Кама, Нурлат, Лениногорск, Зәй, Тәтеш, Бөгелмә, Азнакай, Әлмәт, Саба һәм Биектау районнарыннан 55 укучы экологияне өйрәнү һәм фикердәшләр табу өчен лагерьга җыелды. Экосмена 25 июльдә башланды һәм 11 августка кадәр дәвам итәчәк.
Бүген лагерь-мәктәптә Экология министрлыгының экологик агарту бүлеге белгече Анастасия Мердюкова белән очрашу узды. Балаларга «Мәктәп экопатруле» республика конкурсы һәм Экология министрлыгы эшчәнлеге турында сөйләделәр. Укучылар шулай ук күчмә экология лабораториясе белән дә таныштылар.
Сменада укучылар гидробиология, туфракны өйрәнү, урманны өйрәнү, хайваннар һәм үсемлекләр экологиясен өйрәнделәр. Дәресләр вакытында көннең беренче яртысында укучылар теория өйрәнә, ә икенче яртысында белемнәрен практикада ныгыта. Республика слетында барлык дәресләр тәмамлангач, һәркемнең үз белемнәрен тикшереп, зачет тапшыру мөмкинлеге булачак. Комитет һәр дисциплина буенча смена җиңүчесен һәм номинантларны сайлаячак.