Алабуга районының Поспелово авылында контейнер мәйданчыгы янында чүплек барлыкка килү чикләтелде
Татарстан Экология һәм табигать ресурслары министрлыгы инспекторлары каты көнкүреш калдыклары тупланган урыннарда чүп-чарга юл куймау максатыннан тикшереп торуны дәвам итәләр. Контейнер мәйданчыгы янындагы территориядә чүп-чарны җыюның чираттагы факты бу юлы Алабуга районының Поспелово авылында ачыкланды.
Кама яны территориаль идарәсе инспекторлары Поспелово авыл җирлеге башкарма комитеты адресына мәҗбүри таләпләрне бозмаска дигән кисәтү бирделәр.
Бүгенге көндә чүплек бетерелгән. Контейнер мәйданчыгы территориясе тәртипкә китерелгән.
Исегезгә төшерик, каты коммуналь калдыкларны туплау мәйданчыкларын булдыру һәм карап тоту, шулай ук каты көнкүреш калдыкларын туплау урыннарын урнаштыру схемасын билгеләү җирле үзидарә органнары вәкаләтләренә кертелгән. Күпфатирлы йортлар зонасында – идарәче компанияләр бурычы, шәхси торак төзелеше зонасында – җирле үзидарә органнары бурычы.