Экологик иминлек: яңа илкүләм проект кысаларында экологиягә өлеш керткән өчен халыкка һәм бизнеска ярдәм чаралары әзерләнә
«Экологик иминлек» яңа илкүләм проектына әйләнә-тирә мохиткә сакчыл мөнәсәбәт өчен бүләкләү чаралары кертеләчәк. Бу хакта стратегик сессиядә Россия Премьер-министры Михаил Мишустин хәбәр итте.
«Бу, барыннан да элек, саф һава суларга, чиста су эчәргә тиешле кешеләр, балаларыбызның сәламәтлеге, өлкән яшьтәге гражданнарның озак яшәве турында кайгырту дигән сүз. Әмма экологик көн үзәгенә җаваплы якын килү мондый нәтиҗәләргә ирешү өчен технологияләрне актив куллануны да, шулай ук кешеләрне һәм бизнесны табигатьне саклауга үз өлешен кертергә этәрүче чараларның тулы бер комплексын да үз эченә ала», – дип ассызыклады Хөкүмәт Рәисе. Бу энергияне сак тотуга ярдәм итү, калдыкларны сортларга аеруда катнашу, сирәк очрый торган үсемлекләрне, хайваннарны саклау буенча волонтерлык эшчәнлеге һәм гражданнар тарафыннан кирәкле башка бик күп инициативалар булырга мөмкин.
Ул билгеләп үткәнчә, киләсе елдан барлык тәҗрибәләр һәм эшләнмәләр, шулай ук беренче тапкыр тәкъдим ителгән инициативалар яңа илкүләм проектка кертеләчәк, бу барлык кызыксынган яклар, РФ субъектлары, экологик оешмалар катнашында әйләнә-тирә мохитне саклау дәрәҗәсен һәм сыйфатын күтәрергә мөмкинлек бирәчәк.