ЭкоМир-2024 халыкара премиясенә гаризалар кабул ителә
Россия Табигый фәннәр академиясе Халыкара экологик премиягә конкурста катнашырга чакыра. «ЭкоМир» – әйләнә-тирәлекне саклауда һәм экологик куркынычсызлыкны тәэмин итүдә, шулай ук XXI гасырда тотрыклы үсешкә юнәлтелгән башка экологик эшчәнлектә күренекле казанышлар өчен иҗтимагый бүләк.
Премиягә дәгъва итүчеләр сыйфатында Россия һәм чит ил предприятиеләре һәм оешмалары, авторлык коллективлары, хакимият органнары вәкилләре, җәмәгать эшлеклеләре һәм әйләнә-тирә мохитне саклауга һәм экологик иминлекне тәэмин итүгә юнәлдерелгән проектларны, программаларны һәм акцияләрне турыдан-туры башлап җибәргән һәм гамәлгә ашырган затлар чыгыш ясый ала. Конкурста катнашучыларны сайлап алу тәкъдим ителгән проектларны гамәлгә ашыруны раслый торган гаризалар һәм документлар нигезендә гамәлгә ашырыла.
«ЭкоМир-2024» халыкара экологик премиясе 11 номинация буенча бирелә:
1. Экологик сәясәт һәм әйләнә-тирә мохит
2. Экология, гражданнарның әйләнә-тирә мохиткә хокукларын яклау, территорияләрнең табигый, тарихи һәм мәдәни мирасын саклау
3. Экологик белем, мәгариф һәм мәдәният
4. Экологик-патриотик эшчәнлек, табигый-тарихи мирасны торгызу, туристлык-экскурсия программалары һәм проектлары булдыру
5. Яшьләр программалары, экология һәм әйләнә-тирә мохитне саклау өлкәсендәге проектлар (катнашучылар – 35 яшькә кадәрге яшьләр)
6. Ресурсларны саклау һәм экологик куркынычсыз технологияләр, җитештерү һәм куллану калдыкларын эшкәртү
7. Экологик куркынычсыз товарлар һәм азык-төлек
8. Экология һәм кеше сәламәтлеге
9. Биологик төрлелекне һәм табигый пейзажны саклау
10. Аз катлы төзелештә, агач йорт төзелешендә экологик яктан куркынычсыз технологияләр һәм материаллар
11. Ландшафт-парк дизайны, заманча архитектура чишелешләре һәм пейзаж рәсеме
Конкурсның беренче этабын узган барлык дәгъвачылар – премия номинантлары Халыкара экологик премия дипломы белән бүләкләнәләр.
Конкурс документлары белән сылтама аша танышырга һәм гариза рәсмиләштерергә мөмкин.
Конкурс турында өстәмә мәгълүматны оештыру комитетыннан алырга мөмкин: prezidiumraen@yandex.ru; тел. +7 (495) 954 26 11; +7 (495) 954-73-05.