Мобиль инспектор. Экологларга консультацияләр һәм профилактик визитлар дистанцион рәвештә үткәрелергә мөмкин
Чараларда үзең өчен уңайлы урында катнашырга мөмкин, кулда бары тик телефон гына булсын. «Инспектор» мобиль кушымтасы контроль органнары хезмәткәрләренең эшен автоматлаштырырга, бизнеска йөкләнешне киметергә, шулай ук чараларның сыйфатын һәм нәтиҗәлелеген арттырырга мөмкинлек бирде.
Контрольдә тотылган предприятие вәкиленә РФ Дәүләт хезмәтләре порталы аша чараның кайчан һәм ничек үткәрелүе турында хәбәр килә. Мобиль кушымта урнаштырылганнан соң, аңа сылтама хәбәр белән бергә киләчәк, билгеләнгән вакытта тоташуны гамәлгә ашырырга кирәк. Консультация нәтиҗәләре гариза бирүченең Шәхси кабинетына Дәүләт хезмәтләрендә җибәрелә, монда ук дистанцион әңгәмә сыйфатын бәяләргә мөмкин.
Хәбәр итәбез, «Россия Федерациясендә дәүләт контроле (күзәтчелеге) һәм муниципаль контроль турында» 2020 елның 31 июлендәге 248-ФЗ номерлы Федераль закон нигезендә, контрольдә тотылган затлар үзләре дә ведомство адресына гариза белән мөрәҗәгать итәргә хокуклы.
«Инспектор» мобиль кушымтасын йөкләп алырга һәм кулланучылар эше буенча мәгълүмат белән сылтама аша контроль (күзәтчелек) эшчәнлек порталында танышырга мөмкин: https://knd.gov.ru/document/mp.
Кушымта iOS, Android һәм ОС Аврорада бар.