Без бер дулкында! «Экодулкын»да яшьләр арасында иң яхшы экологик проектлар яңгырады
Бүген Татарстанның «Экодулкын 2024» экологик оешмалары форумы кысаларында Россия экология җәмгыятенең Татарстан бүлегеннән грантларга ия булган 7 проект сайлап алынды. Барлык эшләр экология һәм агарту эшчәнлеге белән бәйле.
Мәсәлән, Түбән Кама районында «Экотренд» проекты командасы эшләгән экологик уеннардан файдаланып экологик агарту чаралары комплексы үткәреләчәк, ә Казан архитектура-төзелеш университеты студентлары ятим балаларны иҗат эшенә һәм әйләнә-тирә мохитне саклауга җәлеп итүгә юнәлтелгән иҗади экологик мастер-класслар үткәрәчәк. КФУ командасы «ЭкоКЛАДония» экологик проектын тәкъдим итте, анда балалар йортларыннан балалар, шулай ук сәламәтлеге мөмкинлекләре чикләнгән балалар катнаша алачак.
Республика конкурсында җиңүчеләрнең барлык җиде инициативасы да социаль әһәмияткә ия проектларны гамәлгә ашыруга 300 мең сум акча алачак.