Чирмешән районында «Чиста булачак» проекты кысаларында беренче форум узды
Чирмешән авылының «Орион» яшьләр үзәгендә «Һәр почмакка «Чиста булачак» проекты кысаларында беренче экологик-агарту форумы узды. Форумда 60 экоактивист катнашты.
Чараның мактаулы кунаклары булып Чирмешән районы башкарма комитеты җитәкчесе Илнур Җамалетдинов, Экология министрлыгының Көньяк-Көнчыгыш территориаль идарәсе инспекторы Венера Мингалиева һәм «Чиста булачак» яшьләр оешмасы җитәкчесе Диләрә Сатикова катнашты. Очрашуда катнашучыларга мәктәп укучыларының белем бирү оешмаларында экологик эшчәнлекләрен үстерү һәм хезмәттәшлек итү өчен мәйданчык булырга тиешле форум турында сөйләделәр. Аерым алганда, Дилара Сатикова балаларны «Чиста булачак» төбәк яшьләр иҗтимагый оешмасы эшчәнлеге һәм быелгы чаралар планы белән таныштырды. Форумлылар өчен «#Яшел командаБЧ. Киләчәк яшел» форсайт-сессиясе оештырылды. Балалар, командаларга берләшеп, экологик берләшмәне булдыру этапларын җентекләп өйрәнделәр, үсеп килүче буынның һәм яшьләрнең экологик тәрбиясен һәм мәдәниятен арттыруга юнәлдерелгән чараларны булдыру һәм үткәрү механизмнарын үзләштерделәр һәм экология өлкәсендә белемнәрен тирәнәйттеләр.
Аннары форумда катнашучылар үзләрен кызыксындырган юнәлешләргә бүленеп, интерактив мәйданчыкларда булдылар.
Эшлекле очрашу «Минем төбәгемнең экологиясе» иҗат конкурсында җиңүчеләрне бүләкләү белән тәмамланды.
1 урынны Егоров Евгений алды – «Петр Семенович Курасанов исемендәге 1 нче Чирмешән урта гомуми белем бирү мәктәбе» МББУ
2 урында Гомәрова Алинә – «Петр Семенович Курасанов исемендәге 1 нче Чирмешән урта гомуми белем бирү мәктәбе» МББУ
3 урынны Митрюхина Крестина алды – «Петр Семенович Курасанов исемендәге 1 нче Чирмешән урта гомуми белем бирү мәктәбе» МББУ
Исегезгә төшерәбез, чараны Татарстан Республикасы Экология һәм табигать ресурслары министрлыгы ярдәме белән 2023 елда гражданлык җәмгыятен үстерүгә Татарстан Республикасы гранты акчаларын кулланып, «Чиста булачак» төбәк яшьләр иҗтимагый оешмасы оештыра.