Александр Шадриков татарстанлыларны Бөтендөнья су ресурслары көне белән котлады
Дуслар, бүген бик мөһим бәйрәм – Бөтендөнья су ресурслары көне билгеләп үтелә! Су безгә тормыш, үсеш мөмкинлекләре бирә. Су безне елга һәм диңгез юллары һәм маршрутлар белән берләштерә.
Татарстанда 36 384 су объекты бар – бу безнең энҗеләребез Идел һәм Кама, Зөя гүзәле һәм башка дистәләгән елгалар, күлләр һәм инешләр. Идел буе федераль округы төбәкләре арасында Татарстан күлләр һәм ясалма сулыкларның гомуми мәйданы буенча беренче урында тора. Бу безнең горурлыгыбыз, ләкин безнең зур җаваплылыгыбыз. Экология министрлыгы белгечләре чиктәш ведомстволардагы коллегалары һәм битараф булмаган барлык кешеләр белән бергә республиканың бу су байлыкларын яклыйлар, чистарталар һәм коткаралар. Мондый гомуми эш нәтиҗәсендә Татарстан инде өченче ел рәттән «Экология» илкүләм проектының «Россия суы» бөтенроссия акциясендә җиңүче. Ярдәмегез, ышанычыгыз һәм хезмәттәшлек өчен барыгызга да рәхмәт!
Безнең федераль проектлар һәм республика программалары елгалар, сусаклагычлар һәм күлләр иминлеге турында кайгыртуны принципиаль яңа дәрәҗәгә күтәрергә мөмкинлек бирде.
Мондый эшне дәвам итү һәм масштаблаштыруның мөһимлеген ил Президенты Владимир Владимирович Путин билгеләде – 2025 елдан елгаларны сәламәтләндерү буенча яңа масштаблы проект эшли башлаячак.
Балаларыбыз, оныкларыбыз һәм оныкчыкларыбыз өчен бу кыйммәтле ресурсны саклап калу өчен бергәләп барысын да эшләячәкбез дип ышанам.
Тагын бер кат барыгызны да бәйрәм – Су көне белән котлыйм! Татарстан халкын быел да безнең өмәләрдә һәм күл һәм елга ярларын чистарту акцияләрендә актив катнашырга чакырам. Әйдәгез, су байлыгыбыз турында бергә кайгыртыйк!
Татарстан Республикасы экология һәм табигать ресурслары министры
А.В.Шадриков