Бүген Су ресурслары федераль агентлыгында Идел-Кама каскады сусаклагычларының эш режимын җайга салу буенча ведомствоара эшче төркем утырышы узды
Утырышта Росводресурсларның территориаль органнары, Росморречфлот, Росрыболовство, Россия гадәттән тыш хәлләр министрлыгы, Россия Авыл хуҗалыгы министрлыгы, Россия Табигать министрлыгы, Росгидромет, Ростехнадзор, «СО ЕЭС» АҖ, «РусГидро» ААҖ, «Татэнерго» АҖ һәм Идел-Кама бассейны чикләрендә урнашкан субъектларның башкарма хакимият органнары вәкилләре катнашты.
Татарстан Республикасыннан видеоконференцэлемтә буенча утырышта Татарстан Республикасының экология һәм табигать ресурслары министры Александр Шадриков һәм министр урынбасары Алмаз Тугушев катнашты.
Идел-Кама каскады сусаклагычларының эш режимы 11 марттан 5 апрельгә кадәр билгеләнгән.
10 февральдән 6 мартка кадәр Куйбышев сусаклагычының су дәрәҗәсе тотрыклы булып кала. Ул 50,59 м БС билгесеннән 50,73 м БС билгесенә кадәр 16 см күтәрелгән.
29 февральгә Идел-Кама бассейны буенча кар катламындагы су запасы нормадан 127% тәшкил итә (190,9 куб.км).
Куйбышев сусаклагычына су агымы арту сәбәпле, Росводресурслар ташлау чыгымнарын Жигулев гидроузелы аша 56005800 куб.м/с кадәр арттырырга тәкъдим итә. Бу чара язгы ташкынны кабул итү һәм имин үткәрү өчен кирәкле сусаклагычның буш сыйдырышлылыгын саклау өчен кирәк.
Су басу башлануга фаразланган исәпләүләр буенча 2024 елның 1 апрелендә сусаклагычның су дәрәҗәсе 50,65 м БС тәшкил итәчәк.
Су хуҗалыгы хәлен исәпкә алып, Министрлык Куйбышев сусаклагычының Росводресурслар тәкъдим иткән эш режимын хуплый: уртача ташлау чыгымы 56005800 куб. м/с.
Сусаклагычларның гидроузелларының билгеләнгән эш режимы Росводресурсларның рәсми сайтында урнаштырылачак.