«Киләчәк уеннары» уздырылган чорда Экология министрлыгы экологик мониторингны көчәйтә
19 февральдән 3 мартка кадәр ТР Экология һәм табигать ресурслары министрлыгының дәүләт инспекторлары тарафыннан «Киләчәк уеннары» ярышлары үткәрелү чорында атмосфера һавасы, җир өсте сулары, туфрак сыйфатына контроль көчәйтелгән. Ярышлар уза торган объектларга якын территорияләрдә, шулай ук делегацияләр юлы буенча патрульлек үткәрелә. Үзәк территориаль идарә инспекторлары табигатьне саклау законнарының үтәлешен контрольдә тотуны көчәйтәләр. Аерым игътибар зонасында атмосфера һавасының сыйфаты, контейнер мәйданчыкларын тоту, кар массаларын җыю һәм урнаштыру, су объектларына ташлауларны контрольдә тоту. Атмосфера һавасын мониторинглау көндез дә, төнлә дә күчеп йөрүче экологик лабораторияләр ярдәмендә башкарыла.
Чемпионат вакытында әйләнә-тирә мохитне мониторинглау буенча бөтен комплекслы эшләр дәвам итә. Казанда һава сыйфатын контрольдә тоту 5 станция тарафыннан автомат режимда башкарыла.
Экологлар шулай ук инфраструктура объектларына якын территориянең санитар-экологик торышын һәм туристлар һәм спортчылар төркемнәренең юлларын контрольгә алачак.