Экология министрлыгы коллективы Николай Иванович Борознов вафат булуы уңаеннан туганнары һәм якыннарының кайгысын уртаклаша
Николай Иванович Борознов Экология министрлыгының чыганак башында тора, 1993 елдан 2001 елга кадәр ТР әйләнә-тирә мохитне һәм табигый ресурсларны саклау министры урынбасары – беренче баш дәүләт инспекторы була. Беренче экология министры Анатолий Иванович Щеповскихның фикердәше һәм зур ярдәмчесе була.
Нәкъ менә Николай Иванович кебек кешеләр ярдәмендә Татарстанның табигатьне саклауның бердәм системасы формалаша. Аның турыдан-туры катнашында Экология министрлыгы турында нигезләмә эшләнә, ведомство структурасы булдырыла һәм Татарстанның Кызыл китабы чыгарыла.
Николай Иванович лаеклы абруй, хөрмәт һәм танылу ала, укытучы һәм остаз ролендә чыгыш ясый, аның тәҗрибәсе һәм зирәклеге югары профессиональ экологларның берничә буынын тәрбияләргә ярдәм итә. Хезмәттәшләре аны профессиональлеге, эшлекле һәм кешелекле сыйфатлары, югары җаваплылык хисе һәм максатчанлыгы өчен кадерлиләр.
Николай Иванович турында якты истәлек аның шәкертләре, Экология министрлыгы хезмәткәрләре һәм бу сизгер һәм ачык кеше белән таныш булган һәркемнең йөрәгендә мәңгегә сакланачак.