Табигать турында кайгыртучы бәйрәмнәр! Экология министрлыгы инспекторлары традицион экодәресләрне дәвам итәләр
Экология министрлыгы инспекторлары мәктәп укучылары һәм балалар бакчаларында тәрбияләнүчеләр белән экологик дәресләр үткәрүгә керештеләр инде. Мәсәлән, Идел аръягы территориаль идарәсе экологлары «Колобок» балалар бакчасындагы балаларны калдыкларны сортларга, суны, яктылыкны экономияләргә һәм кече дусларыбыз турында кайгыртырга өйрәткәннәр. Мәктәпкәчә яшьтәге балалар уен формасында табигатьтә куркынычсыз тәртип кагыйдәләре турында да белгәннәр.
Ә көньяк-көнчыгыш инспекторлары Чирмешән районы Аккирәй авылы укучыларына табигатьне ничек сакларга кирәклеге турында сөйләгәннәр. Дәрес барышында балалар экологиянең нәрсә икәнен һәм кешенең әйләнә-тирә мохиткә нинди йогынты ясавын белгәннәр. Үз чиратында, балалар чуаш телендә табигатьне саклау турында театральләштерелгән спектакль әзерләгәннәр. Инспектор балаларга табигатькә сакчыл мөнәсәбәттә актив позиция өчен рәхмәт белдереп, Татарстан Экология һәм табигать ресурслары министрлыгы китапларын бүләк иткәннәр.