Татарстан Республикасы Экология һәм табигать ресурслары министрлыгы

Казансуның иске юлы экологларның җитди игътибарын сорый

2013 елның 19 сентябре, пәнҗешәмбе

Татарстан Экология һәм табигый байлыклар министры Артем Сидоров, министрлыкның Дәүләти экологик күзәтчелек инспекциясе һәм Үзәк территориаль округы инспекторлары белән берлектә, Казанның Киров районындагы Адмиралтейство бистәсе территориясендә Казансу елгасының иске юлының экологик торышын карады. Рейд барышында табигать саклау законнарын бозуның берничә очрагы, шул исәптән рөхсәтсез калдыклар ташлау урыннары ачыкланды. Киров районы территориясендә 200 предприятие эшли. Казансу бормасы яр буенда “В.И.Ленин исемендәге дәүләти Казан фәнни-җитештерү предприятиесе” федераль фәнни-җитештерү үзәге” ФДУП, “Сантехприбор” ААҖ, “Казан электр челтәрләре” ААҖ, “Татшерсть” ААҖ, “Сафьян” ААҖ, “Домстройматериалы” КУП, “Казан медицина аппаратлары заводы” ААҖ, “Интертерминал” ЯАҖ, “Казангостранссигнал” ДУП, “Искәндәр” фирмасы, “Лавена” ААҖ, “5нче мунча” ААҖ, 4нче янгын часте, ТР буенча Россия Минюстының 2нче тикшерү изоляторы, “Поли трейд” ЯАҖ, “Урак һәм Чүкеч” ААҖ урнашкан. Татарстан Экология һәм табигый байлыклар министры Артем Сидоровның йөкләмәсе буенча, әйләнә-тирәлеккә тискәре йогынтыларны бетерү буенча эшләр, шул исәптән калдыклар белән эш итү планы билгеләнде.

Казансу елгасы бормасы Казан шәһәрен Куйбышев сусаклагычы сулары белән батырудан саклаучы инженерлык корылмаларын төзү нәтиҗәсендә барлыкка килгән. Комплекс сусаклагыч төзү белән бәйле рәвештә 1957 елда кулланышка кертелгән, инде 50 елдан артык кулланыла. Тузуы, инженерлык корылмаларының ресурсы бетү аркасында, арытаба кулланганда ул үз функцияләрен үти алмаска, күләме буенча территориаль гадәттән тыш хәлгә якын булган гидродинамик авариягә китерергә мөмкин.

Елга бормасы соңгы 50 елда якын-тирә территорияләрнең грунт сулары кимәлен төшерүче табигый дренаж, яңгыр һәм кар суларын җыючы көйләү бассейны булып тора, арытаба ул суларны 7нче насос станциясе Куйбышев сусаклагычына кудыра.

Ярларның лайлануы һәм җимерелүе аркасында, Казансуның кайчандыр мул сулы булган юлы хәзер бер-берсенә ермаклар белән тоташкан сулыклар челтәреннән тора.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ