108 яшь эколог, Татарстан Республикасының 20 районы һәм 6 көнлек көндезге этап. Әлмәттә «Чиста мирас» яшь экологлар олимпиадасында җиңүчеләрне бүләкләделәр
Татарстанда яшь экологларның «Чиста мирас» дигән беренче республика олимпиадасы тәмамланды. Җиңүчеләрне ТР Экология министрлыгының Мәгълүмат системалары һәм экологик агарту идарәсе башлыгы Дамир Вәлиуллин котлады.
«Финалга яхшылар арасыннан иң яхшылары чыкты. Үз гамәлләре белән әйләнә-тирә мохиткә булган мәхәббәтне исбатлаучыларны бүләкләү миңа бик ошый. Сез үз эшегезне дәвам итәрсез һәм яшьтәшләрегез өчен генә түгел, өлкәннәр өчен дә үрнәк булырсыз дип ышанам», – дип ассызыклады ТР Экология министрлыгының Мәгълүмат системалары һәм экологик агарту идарәсе башлыгы Дамир Вәлиуллин.
Олимпиадада катнашу өчен бөтен республикадан 750гә якын укучы килгән. Катнашучыларга ике этапны үтәргә кирәк иде: читтән торып һәм көндезге. Читтән торып уку этабы нәтиҗәләре буенча финалга Татарстанның 20 районыннан 108 яшь эколог үткән. Көндезге этап Әлмәт районының «Юность» балалар савыктыру лагеры базасында узды. Атна дәвамында мәктәп укучылары өчен экологлар, экспертлар белән очрашулар, мастер-класслар һәм экскурсияләр уздырылган. Финал көнендә тест биремнәреннән тыш катнашучылар экологик тематикага эсселар язганнар.
«Чиста мирас» республика олимпиадасында җиңүчеләр һәм призерлар:
5-6 сыйныф укучылары категориясе:
1 урын – Бөгелмә районыннан Валерия Медникова һәм Азнакай районыннан Амалия Шакирова
2 урын– Әлмәт районыннан Шириязданов Данияр
3 урын – Азнакай районыннан Бәһрамова Әминә һәм Бөгелмә районыннан Кәлимуллина Рената
7-8 сыйныф укучылары категориясе:
1 урын – Бөгелмә районыннан Бикбаева Камилла һәм Әлмәт районыннан Сәгыйдуллина Әдилә
2 урын – Бөгелмә районыннан Мамин Данил һәм Минзәлә районыннан Якиева Айсылу
3 урын – Нурлат шәһәреннән Гыйниятуллин Салават һәм Тәтеш районыннан Трифонова Аделина.
Исегезгә төшерәбез, 2 сентябрьдә Әлмәт шәһәрендә «Чиста мирас» яшь экологлар олимпиадасы старт алды. Быел ул беренче тапкыр уздырылды һәм Татарстан нефтен эшкәртүгә 80 ел тулуга, Ромашкино ятмасының 75 еллыгына һәм Россиядә Педагог һәм остаз елына багышланды.
Олимпиаданы Татарстанның Экология министрлыгы һәм В.Д. Шашин исемендәге «Татнефть» ГАҖ оештыра.