«Җиңелмәс» Коновалов һәйкәле янында бүген булачак дан аллеясының беренче агачлары утыртылды
Бүген Экология министрлыгы хезмәткәрләре Татарстанның Югары Ослан районы Ямбулат авылында Бөек Ватан сугышы геройлары мемориалы янында булачак дан аллеясының беренче 60 агачын утырттылар. Киләчәктә биредә Дан обелискына уелган һәр исем хөрмәтенә 220 агач утыртырга планлаштыралар. Авыл үзәгендәге истәлекле урын янында Экология министрлыгы хезмәткәрләре зәңгәр Һәм яшел чыршы, миләш һәм өрәңге утырттылар. ТР экология министры Александр Шадриков ассызыклаганча, яшь буынның үз геройларын белүе, аларның һәрберсен истә тотуы мөһим: «Бүген, Бөек Ватан сугышы геройлары обелискысы янында беренче агачларны утыртып, без мемориаль тактада фамилияләре уелганнарга гына түгел, ә безнең Җиңү өчен сугышкан барлык бабаларыбызга рәхмәт сүзләрен әйтәбез. Әгәр үз тарихыбызны белмибез икән, димәк, безнең киләчәгебез дә булмаячак. дигән сүз. Монда – безнең тарихыбызны, Бөек Россия тарихын эшләгән кешеләрнең фамилияләре. Илебез Президенты Владимир Владимирович Путин күп тапкырлар патриотизм, Ватанга мәхәббәт – ул безнең йөрәкләрдә һәм җаннарда булырга тиеш, ә кеше аннан башка яши алмый, дип әйткән иде».
Дан аллеясының беренче агачларын экология министры белән бергә бүген ата-бабалары сугыш елларында сугышкан һәм аларның фамилияләре хәзер обелискта уелган авыл халкы да утыртты. Людмила Николаевна Семенова – Советлар Союзы Герое Семен Коноваловның туганы, аның әтисе, атаклы абыйсы кебек үк, танкист булган. «Минем әтием, Николай Коновалов, 18 яшендә фронтка китә. Беренче сугыш Сталинград янында була. Ул Берлинга барып җитә, ә кайткач, кызым, сез бәхетле яшәсен өчен, без барысын да эшләдек, диде, – дип күз яшьләре белән искә алды ветеран кызы. Обелискта 220 исем бар, шуларның 8 – аның туганнарының фамилияләре. «Әтиебез үлгәнгә 20 ел инде. Монда Хәтер стелласында туганнарның фамилияләре күп, безнең авылда һәр гаиләгә Бөек Ватан сугышы кагылган».
Югары Ослан районы башлыгы урынбасары Сергей Осянин исемлек әле тулылана, кайбер авыл халкының язмышы әлегә кадәр билгеле түгел, ди.
«Бүген безнең районда Экология министрлыгы шефлыгы ярдәмендә узган акция – бер тапкыр гына узачак акция түгел, ул патриотик тәрбиянең зур системасының бер өлеше, чөнки үткәнсез киләчәк юк һәм шуңа күрә безнең гамәлләребез киләчәкнең нигезе булып тора».
Исегезгә төшерәбез, ел ярым элек экология министры Александр Шадриков инициативасы белән ведомство хезмәткәрләре Ямбулат авылындагы мемориаль комплексны шефлыкка алдылар. 2022 елның 9 маена Дан мемориалы тулысынча реконструкцияләнә, Советлар Союзы Герое танкист Семен Васильевич Коновалов бюсты урнаштырыла, аның батырлыгы турында «Несокрушимый» фильмы төшерелә, герой батырлыгы хөрмәтенә танк китерелә һәм урнаштырыла. Семен Коновалов Ямбулат авылында туган, әмма аның кечкенә туган җирендә озак вакыт һәйкәл булмаган. Яңа мемориаль комплекс Бөек Ватан сугышында катнашучыларга – бу торак пунктта туганнарга багышланган.