Экологлар Түбән Камада гражданнар оборонасы буенча күнекмәләрдә катнашты
ТР Экология министрлыгының Кама яны территориаль идарәсе инспекторлары гражданнар оборонасы буенча Бөтенроссия масштаблы күнегүләрендә катнашты. 11.20 сәгатьтә идарәгә бердәм кизү торучы диспетчерлык хезмәтеннән сигнал керә. Риваять буенча, ремонт эшләрен башкарганда куркынычсызлык техникасын бозу нәтиҗәсендә «Түбән Кама Нефтехим» ГАҖ территориясендә хлор савытының герметиклыгы югалтылган. Һәлакәт нәтиҗәсендә 5 тонна хлор аккан, Түбән Камадагы торак кварталлар ягына хлор болыты таралу куркынычы барлыкка килгән. Бөтен команда алдында предприятиедә химик куркыныч матдәләр ташыган аварияне бетерү бурычы куела.
Һаваның торышын тикшерү өчен урынга күчмә экологик лаборатория белән экологлар килә. Пробалар җыю автомат режимда ПЭЛда урнаштырылган махсус җиһазларны кулланып башкарыла. Барлык катнашучылар куелган бурычны үтиләр. Өйрәнүләрдә 495 кеше катнашкан.