ТР Экология министрлыгы инспекторлары Әтнә районында елга кушылдыгының үзәнен үзгәртүгә юл куймады

2023 елның 14 августы, дүшәмбе

Әтнә районы Шикәнәс авылында яшәүчеләрнең рөхсәтсез калдыклар урнаштыру турындагы шикаятенә нигезләнеп, ТР Экология министрлыгының Төньяк территориаль идарәсе инспекторлары тарафыннан урынга чыгу гамәлгә ашырылды. Территорияне тикшерү барышында Әтнә елгасының исемсез кушылдыгында табигать саклау законнарын бозулар булуы ачыкланган. Авылда яшәүче хатын-кыз үз теләге белән су объектын алырга тырышкан. Агачларны, ботакларны кисеп, ул хатын Әтнә елгасы үзәненнән агызу өчен канау казып, сулыкның иске агымын томалаган.

Хатын-кызга законның мәҗбүри таләпләрен бозуга юл куймау турында кисәтү бирелгән. Хәзерге вакытта җимереклек юкка чыгарылган.