Экология министрлыгы инспекторлары «Камский трофей» кунакханә комплексы төзелешендә хокук бозулар турындагы шикаятьләрне тикшерделәр
Татарстанның Экология министрлыгына «Камский трофей» дәүләт корпорациясен төзегәндә табигатьне саклау законнарын бозып җир эшләре алып бару турында гражданнар мөрәҗәгате килде. Халык фикеренчә, Кама Тамагы районының Кама Тамагы ш.т.п алып барылган эш шәһәрдә яшәүче кешеләрнең тормышына һәм сәламәтлегенә зыян китерү куркынычын тудыра. Министрлык инспекторлары урынга чыгып, территорияне тикшерделәр. Урынга чыгу барышында җир эшләрен үткәрү факты теркәлде, бу эшләр җир участокларында битләүнең җимерелүенә китергән.
Моннан тыш, Министрлык тарафыннан күчмә утырыш кысаларында гражданнарның мөрәҗәгатендә чагылдырылмаган табигать саклау законнарын бозу очраклары ачыкланды, атап әйткәндә: Куйбышев сусаклагычының яр буе саклык полосасында урнашкан җир кишәрлегендә бетон коелар булуы ачыкланды, җир астында төрле диаметрлы торбалар табылды, алардан агымнар Идел елгасы яры буена чыга алаган (тикшерү вакытында ташландык агынты сулар теркәлмәде, әмма торбаның чыгу урынында чыгышы билгесез булган сыеклык тупланмасы бар), шулай ук кое һәм Куйбышев сусаклагычы ягына чыга торган ягы белән белән тагын бер җир асты торбасы урнаштырылган.
Куйбышев сусаклагычы федераль дәүләт экологик күзәтчелегенә буйсынуын исәпкә алып, әлеге урынга чыгу һәм теркәлгән бозулар буенча барлык материаллар вәкаләтләрне чикләү турындагы закон нигезендә Росприроднадзорның Идел-Кама төбәкара идарәсенә тапшырылды.
Шулай ук әлеге факт буенча Казан районара табигатьне саклау прокуратурасы Табигатьтән файдалану өлкәсендә күзәтчелек буенча федераль хезмәтнең Идел-Кама Төбәкара идарәсе белән берлектә элегрәк югарыда күрсәтелгән территорияләрне тикшергән иде.