Азнакай районында ташландык ябалак баласын урманга чыгарганнар
Канатлы нәни ерткыч кош язмышы турында сөйләвебезне дәвам итәбез. Исегезгә төшерәбез, ай ярым элек ябалак баласын Азнакай халкы күреп алган иде. Берничә көн дәвамында ваемсыз булмаган гражданнар аны күзәтеп торганнар, ә кошчыкның әнисе кайтмаячагын аңлагач, Экология министрлыгына шалтыратканнар. Безнең инспекторлар ярдәмгә чыкты, табылган кош баласын ветеринария хезмәтенә алып киттеләр, анда аны табиб тикшерде. Ябалак баласын вакытлыча Ык буе территориаль идарәсе инспекторы Эльза Вәлиева сыендырды. Ябалак баласын бөтен гаиләсе белән караганнар, рационы ветеринария табиблары белән килештерелгән. Хәтта исем дә биргәннәр. Табылган кошчыкка Кузя дип исем кушканнар. Кузя ныгып, гаилә советында канатлана ала башлагач, аны гадәти яшәү шартларына чыгарырга карар иткәннәр. Бүген ерткыч кошчыкны Азнакай районының Яңа Юл бистәсендәге урманга чыгарганнар.
«Без барыбыз да аны бик яраттык, ләкин ул кыргый кош һәм ул табигатьтә яшәргә тиеш. Бүген безнең Кузя очып китте, аның урманда ныклап урнашачагына ышанабыз», – дип тәэсирләре белән уртаклашты инспектор Эльза Вәлиева.