Планетаны бергә саклыйк. Көньяк-Көнчыгыш территориаль идарәсе экологлары мәктәпкәчә яшьтәгеләргә табигатьне ничек сакларга кирәклеген сөйләделәр
Татарстан Республикасы Экология министрлыгының Көньяк-Көнчыгыш территориаль идарәсе инспекторлары Нурлат шәһәренең «Камыр-Батыр» 5 нче балалар бакчасында тәрбияләнүчеләр өчен «Планетаны бергә саклыйк» дигән танып-белү дәресе үткәрде. Экологлар балаларга сөйләгәнчә, аларның һәрберсе безнең планетаны саклап калырга ярдәм итә ала.
Моннан тыш, балалар чүп-чарны аерым җыю, электр энергиясен һәм суны экономияләү кебек экогадәтләр турында белделәр. Үз чиратында балалар экологларга әйләнә-тирә мохит турында ничек кайгыртулары һәм нинди табигатьне саклау акцияләрендә актив катнашуы турында сөйләделәр.
Дәрес ахырында барлык балалар да Экология министрлыгыннан китап-буяу бүләгенә ия булдылар. Белгечләр әйтүенчә, мондый чаралар ярдәмендә балалар яңа белемнәр ала, файдалы экогадәтләр һәм табигатькә ярдәм итә алулары турында беләләр.