ТР Экология министрлыгы хезмәткәрләре «Байтик» лагеренда мастер-класс үткәрделәр
ТР Экология министрлыгының «Байтик» балалар сәламәтләндерү лагеренда экологик агарту бүлеге белгечләре чүп-чарны аерым җыю буенча мастер-класс үткәрделәр. Чарада «Табигать законнары буенча» сменасының 120 егете катнашты. Татарстан Республикасының «Чиста булачак» төбәк яшьләр иҗтимагый оешмасы кызыклы уен уйлап тапты. Мастер-класста катнашучыларга төрле контейнерлар - эшкәртелә һәм эшкәртелми торган, куркыныч һәм эре габаритлы калдыклар, азык-төлек калдыклары буенча карточкаларны сортларга аерырга тәкъдим ителде. Шулай ук биремнәрнең берсе икенче чималны сайларга һәм аңа соңгы продуктны табарга. Мәсәлән, пыяла шешәдән пыяла савыт ясарга мөмкин, ә батарейкаларны эшкәртеп - төсле металлар.
«Әгәр безнең һәрберебез кечкенә адымнардан башласа, бергәләп, зур нәтиҗәләргә ирешә алабыз. Пластик шешәне челтәр контейнерына ыргытуның бернинди дә авырлыгы юк, ә нәтиҗәдә без табигый ресурсларны экономияләү планында яңа продукт ясый алабыз», - дип билгеләп үтте ТР Экология министрлыгының экологик агарту һәм иҗтимагый оешмалар белән элемтә бүлеге башлыгы Ольга Артемьева.
Мастер-класс ахырында балалар биремнәрнең кызыклы булуын билгеләп үттеләр, оештыручыларга рәхмәт белдерделәр. Һәр катнашучы истәлеккә ТР Экология һәм табигать ресурслары министрлыгыннан футболка һәм дәфтәр алды.