Алексеевск районы буенча рейд кысаларында экологлар һәм «Юл хәрәкәте иминлеге» дәүләт бюджет учреждениесе хезмәткәрләре ике чүплекне ачыклаган
Санитар-экологик икеайлык кысаларында ТР Экология һәм табигать ресурслары министрлыгының Идел-Кама территориаль идарәсе инспекторлары һәм «Юл хәрәкәте иминлеге» ДБУ хезмәткәрләре Алексеевск районы территориясендә юл сервисы объектларының, бүлеп бирелгән полосаларның һәм гомуми файдаланудагы автомобиль юлларының санитар-экологик торышын контрольдә тоту буенча уртак рейд үткәрделәр.
Идел-Кама территориаль идарәсе белгече Ильяс Галләмов сөйләвенчә, рейд кысаларында 2 рөхсәтсез төзелеш калдыклары чүплеге ачыкланган. Коры Курналы авылында биналарны сүтүдән һәм җимерүдән чүп-чар 1000 кв. м мәйданлы участокны туздырган, чүплекнең күләме 50 куб. м тәшкил иткән. ә Новоспасск авылында туздырылган территориянең мәйданы 500 кв. м, күләме 30 куб. м.
«Җир кишәрлекләре хуҗаларына ачыкланган хокук бозуларны бетерү буенча чаралар күрү өчен хатлар җибәрелгән», - дип билгеләп үтте ул.
Исегезгә төшерәбез, 1 апрельдән республикада санитар-экологик икеайлык башланды. Икеайлык башыннан республика буенча күзәтчелек органнары тарафыннан 6 496 хокук бозу ачыкланган, шуларның 5 286сы бетерелгән, 1 622 беркетмә төзелгән, 1,8 млн сумлык административ штраф салынган. 4 599 рөхсәтсез калдыклар урнаштыру урыны ачыкланган, 3 972 (86,4%) юкка чыгарылган. «Юл хәрәкәте иминлеге» ДБУ белән рейдлар кысаларында җир кишәрлекләренең чүпләнүенең 64 очрагы ачыкланган. Барлык хокук бозулар буенча гамәлдәге законнар кысаларында чаралар күрелде.