«Киләчәккә өлеш» республика фәнни-гамәли конференциясе кысаларында жюри 56 эшне карады
Чаллы шәһәренең 35нче мәктәбендә «Киләчәккә өлеш» дигән беренче Республика фәнни-гамәли конференциясе узды. Жюри составына ТР Экология министрлыгының Кама буе территориаль идарәсе инспекторлары һәм ТРда Рус география җәмгыятенең төбәк бүлеге вәкилләре керде. Финалга 36 эш үтте. Аларны дүрт секциягә бүлгәннәр: «Экология», «Биология», «Үз эшенең остасы» һәм «География».
«Эшләрнең барысы да бик яхшы, сайлау авыр булды. Егетләр күп көч һәм энергия сарыф иткәннәр. Катнашучылар кар пробаларын алганнар, үз микрорайоннарын тикшергәннәр. Укучылар үзләре өчен күбрәк агач утыртырга, чисталыкны сакларга кирәк дигән нәтиҗә ясадылар», - дип тәэсирләре белән уртаклашты Кама буе территориаль идарәсе инспекторы Ләйлә Галимова.
Җиңүчеләр Россия география җәмгыятеннән һәм Татарстан Республикасы Экология һәм табигать ресурслары министрлыгыннан дипломнар алдылар.
Чара X Нева халыкара экология конгрессының төбәк экологик атналыгы кысаларында үткәрелде